तिमी आउनै अबेर गर्यौ 'गजल '

तिमी आउनै अबेर गर्यौ ,हेर फूल फुली सके
अझै ग्रष्म सोच्छौ तिमी फूल्मा भम्ररा डुलीसके

दिएकै थें हात मैले तिमीले नै घात गर्यौ
आज मेरा लागी अन्तै, ढोकाहरु खुली सके

आँखाबाट साउन दर्केयो मुटु दुखाइ जादा तिमी
अतीत मनमै ताजा भन्छौ ,हेर नयन् भुली सके

गुलाब जस्तै गुलाबी थे लोचनहरु जागा बस्दा
आफ्नो बाटो लाग तिमी मेरा सपना झुली सके

सुख दु:खमा साथ दिन्छु

सुख दु:खमा साथ दिन्छु भन्थ्यौ पहिले पहिले
आसुँ झार्दा तर्किएर हिडिदिन्छौ अहिले

साथ देऊ मुस्कान दिन्छु भन्थ्यौ पहिले पहिले
त्यही साथ भार भयो भन्ने गर्छौ अहिले

दुई ज्यान एक मुटु भन्थ्यौ पहिले पहिले
अर्कै रैछ तिम्रो मुटु भन्ने गर्छौ अहिले

जूनिभरलाई हाम्रो माया भन्थ्यौ पहिले पहिले
तिम्रो मेरो बाटो बेग्लै भन्छौ किन अहिले