अग्ला अग्ला हिमचुली

अग्ला अग्ला हिमचुली कल्पनामा छुन्छु
सम्झनाको सागर तर्दै एकान्तमा डुल्छु

लालिगुँरास ओठमा फक्राई मीठो मुस्कानसँग
चाहनाको संसारमा आफू एक्लै झुम्छु

आँखाभरी सपना फुल्दा जीवन सफल सोच्दै
दोबाटोको गोरेटोमा फूलबनी फुल्छु

ह्रदयको कुहिरोमा झुल्के घाम लाई
वसन्तको बहारसरी हरियाली हुन्छु

उजाडताको नामलिदा वर्षात ल्याउँन खोजि
शरदको जूनजस्तै पूणिमा भैइ खुल्छु

सन्ध्यापछी रातपर्दा अध्यारोको राप सँगै
कहिले काहींभएपनी माया सम्झी रुन्छु