गजल-'अझै रङ्ग भर्दै छु म'

भूमरिमा आजभोली कुन्निकिन पर्दै छु म
तरेलिमा सजिएर पछेऊरिमा झर्दै छु म

कैले रोएँ आँसु लुकाई कैले बाढें मुस्कानहरु
सम्झनामा टोलाएर सागरहरु तर्दै छु म

उलास रोज्थें लोचनभरी एकलासे यात्रा गर्दा
हिमसिखरको उचाइबाट तलतिर खस्दै छु म

मिरमिरे प्रभात सँग मीठो लाली छाउँदा
गृष्मयामको खडेरिमा अझै रङ्ग भर्दै छु म

बग्दै जाने ...इच्छा थियो टाढा उस्को क्षीतिजमा
अगिबढ्न नसकेर मझेरिमा रुक्दै छु म !!