गृष्ममा पो फुल्छु.....

सपनाहरु यी किन नियाल्छु
हरपल यी नयनमा प्रीत सँगाल्छु

झस्केर उठेको एउटा तरङग देख्छु
त्यही भित्र मिठो यो प्रीत लेख्छु

अस्पस्ट शब्द नि किन हो म सुन्छु
टोलाउदै यादमा वर्तमान भुल्छु

चाहानासब समेट्दै एउटा हार उन्छु
कल्पनाको संसार चुमेर झुम्छु

फुलाउदै फूल वसन्त नहुँदै म झर्छु
एकलासको एकान्तसंगै म उड्छु

अनेकथरी ...छन सपना हृदयभरी जो गुन्छु!
कस्तो उल्टो छ मति हेर म त गृष्ममा पो फुल्छु !!